Qoraal dheer oo Jaamac Yaasiin Faarax ka soo diray Magaaladda Lyon ee dalka Faransiiska oo uu degan yahay ayaa waxa uu eedaymo tiro beelay ugu jeediyay Axmed Yuusuf Yaasiin oo uu sheegay inuu koofiyadiisa kala soo baxay go’aamo aan la isku ogeyn, waxaanu taageeray go’aanka Daahir Rayaale Kaahin ku joojiyey kala xulista Musharixiinta UDUB. Qoraalka Xoghayaha guud ee UDUB soo saaray ayaa u dhignaa sidan “Waxaan salaamayaa gar ahaan bahweynta xisbiga Udub, gud ahaanna ummada Somaliland. Waxaan Eebe inooga baryayaa in sannadkan 2012 inooga dhigo mid nabad iyo barwaaqo badan. , Aamin. 1/ XISBIGA UDUB Waxaan ka fa’iidaysanaya munaasibadan awal-sannaha 2012, si aan idiin siiyo mawqif kayga ku aadan qaska aan loo bahnayn ee laga dhex aloosayxisbiga UDUB iyo ra’iigayga maanta iyo Somaliland.. Waxa jirtay, waayahan dambe, mulaaq ka dhex socday xisbiga Udub gudihiisa. Kolba rukun jiidh-jiidh ayaa dhacayey. Waxaan caado u ahayn bahweynta xisbiga, oo lagu tilmaami karo kooxaysi, ayuu koofiyaddiisa kala soo baxayku simaha Guddoomiyaha xisbiga Md Axmed Yuusuf Yaasiin, Xilkii sida kumeelgaadhka ah loogu dhiibay, sifooyin guracan ayuu u isticmaalaayey. Hawlihii urururinta xogta ee sida xigmadaysan dib loogu dhisaayey xisbigalagaga guulaystay doorashooyinkii 2010, jahwareer buu ku riday. Dib u dhiskii Udub ee u baahnaa in shir guud lagu dhamays tiro, kadib marka hab talo wadaagoo dimuqaraadiya gunta laga soo tolo ( degmo & gobolada dalka ) ayuu mijaro hababiyey. Doorashada mudnaanta (Priority-ga) leh waa mida golayaasha deegaanka ee April 2012, Waxa uu badka soo dhigay doorashada Madaxtooyada 2015 ee afarta (4) sannadood inaga xigto, Wuxuu jidaystay in shuruuda koowaad ee musharaxiinta tartamaysaa noqoto adduun lacagaysan oo account uu leeyahay lagu shubo, ayadda oo laiska garab marayo shuruuduhii aasaasiga ahaa ee xisbinimo: a/ ka mid ahaasho xisbi iyo muddo buxinteed b/ natiijo sax ah oo dhaqdhaqaaq xisbiyahan c/ makhraatifur waayo-aragnimo dheer oo siyaasadeed d/ sugid mas’uuliyad-qaadnimo laga saxo golaha fulinta, lagana ansaxiyo golaha dhexe. Waxu Axmed Yaasiin iloobay in xisbiga Udub yahay urur siyaasadeed bulshaweyntu leedahay, oo kafog Club lagu tartansiinayo ” Mal-qabeeno ” tunkood cadaaday, oo khamaaraaya. Ma aha xisbul ummaha Udub sabeen saylad joogta, oo inta maro hoosteed gacan laisugu dhiibo, sidaas lagu kala ibsanaayo. Runtii anigu, ka Xoghaye guud ahaan ma arag mana maqlin wax calaamad dhaqdhaqaaq xisbiyahan oo inanka Jamaal Cali Xusseen xisbiga Udub dhexdiisa uga sajilmayintii aan xilka hayey. Waxaan qabaa in inanka dhalinta yar ee qaaliga ah, hadddu u soo banbaxana siyaasada mustaqbalka fiican ku lahaa, Axmed Yuusuf Yaasiin khadaacad ku sameeyey,isagoo dan gaar ah ka fushanaaya. Taasina, waa ka xaraan shaqsi muslim dhab ah. Waxaan ku raacsanahay Gudoomiyaha xisbiga Udub, Md Daahir Riyaale Kaahin, go’aan kiisa ku aadan musharaxnimada doorashada madaxtooyo ee 2015. Waxa mudan in loo diyaar garoobo doorashada golayaasha deegaanka, iyadoo laysku duuban yahay, shuruucda xisbiga iyo kala dambayntana la dhawraayo.Wax garab/garab ahi, wuu inaga reeban yahay, haddii aan doonayno in xisbigeenu ka badbaado burbur iyo ceeb hor leh. Inaankana lacagta account-ka lagaga shubtay ha loo celiyo, kuwa kalena yaan laga qaadin wax lacag ah oo ku aadan musharaxnimo madaxtooyo, inta talo laysugu imanaayo, doorashada golayaasha deegaanka dabadeed. 2/ SOMALILANDTA MAANTA Labaatan iyo kaw (20) sannadood ayay Somaliland-ta maanta hor tahay. Xukuumaddii afraad ayaa talada dalka haysa 17 bilood, iyadoo farta laga saaray dal mid ah oo nabad ah, taxgelinna ka mutaystay wadamada jarka inala ah iyo calamko dhan. a/ Siyaasadda gudaha Nabad gelyada dalku qalqal bu ku jiraa labadiisa daafood-ba.Waxa ka dhacay dilal qorshaysan, oo aan cidna loo qabanayn. Waxa xataa dhacay in rag dhagar qabeeno ahaa oo la raacaynaayey, dharaarta u soo baxeen markii kulmiye guulayta, oo weliba wasiirkii arimaha gudaha ee xukumaddii Daahir Riyaale Madaxtooyada iyo golayasha xeer dejinta dhexdooda loogu hanjabay. Markii laga soo ashkadoodayna, waxba lagama qaban. Waxay taasi dhirin gelisay falalkii nocaas oo kale ahaa, bari iyo galbeed-ba. Meeday gogoshii Madaxweynuhu ku baaqay. Ma waxay noqotay masaleh cirka hehabaya, oo aan lagarayn gorta uu soo degaalo? Jiitaanka arrimahaasi, waatan bari ay ku dhiiradeen Somaliland-diidkii caamka ahaa, sida Cali Khalif Galaydh fan-yaraynaayey, inay shir Somaliland lagu minjaxabinaayo, loogu yeedho SSC.Waxaan waxba laga qaban afduub cad oo lagula kacay shaqaale sarsare, saraakiil iyo askar dawliya. Wax lala yaabay ahayn in wasiirka Difaaca qaranku ku andacoodo: Waa reer Talex, reer Taleex afduubeen. Arrinta noocaas oo kale ihina inad-jab ayay keenta aan laysku halayn cududda dalka. Jilicsanaanta sirdoon keena iyo go’aan la’aanta xukumaddu waxay abuurri karan xasilooni dari cadawgu ka fa’iidaysan karo, ee yaan loo daymo la’aan. Ururrada cusub ee faraha badani (15), qabyaaladdii bay daadihinayaan. Waase laga yaabaa in Kulmiye /Xukuumaddiisu u aragto hab qaybi oo xukun, ay ku dhaqmi jireeen Gumaystayaashii Afrika. Waxa xitaa suragal noqday inHargeysa hadhcad lagaga dhawaaqo ururu naqiidaaya Dastuurka qaran keena, oo xaaraan ka dhigaaya tartanka dimoqaraadiga ah ee aynu ku dhaqano. b/ Arrimaha Dibeda Xukuumadayadii Udub mabaadi lagama gudbaan ah ayey lahay. Anagaba shirar waa nalooga yeedhi jiray, Lakinse, agendayaashooda oo qoran ayaanu dalbi jirnay. Haddii ay mundaro u leedahay madaxbanaanida Somaliland, maanan tegi jirin, waxbana nagagamay lumin, haba yaraatee. Heer sareeya ayaanu gaadhsinay qaranimada qaranka. Puntland iyo Galmudug, faq lamaanu gelin. Dhagax buur kasoo labarogmaday, doog ma keeno. Ma qabno in diplomasiyaddan ku fadhida “Ayaa farta iitagay” inay faa’ido keenayso.Waxaaase laga yaaba, dheri Xukumaddii Udub bislaysay, in cad lagala soo baxo. Isbedelka aduunka carabta ka socdaa, wax badan ayey bedeli doonaan, haddiii iaynu ka fa’iidaysan karo, oo arrimada si miisaan iyo taxadur leh u waajahno. Waxay ila tahay in guddi aqoonyahanno ka soo qalin jeebiyey wadamada carabta, oo rag siyaasiin, journalist iyo culimo ka kooban, loo xil saaro in Xukumaddaha carbeed ka soo olooleeyaan. Si ay u fuduudaato hawshoodu, hala aasaaso jariidad afka carabiga ku soo baxda, lagulana garnaqsado ummadda carbeed. Si kale haddii ay ku dhaliwaydu aqoonsigeenu, maxkamada caalamiga ah ayaa ino furan, inagoo haysana garowshiyahii guddidii xaqiiqa raadiska ee African Union (2005), markaynu ka quusano wada hadal kafoo kafool ah oo aynu lagalo, xukuumad si dhab ah u matalaysa walaalaheeni koonfureed ee aynu kala odrogonay. c/ Arrimaha dhaqaalaha Sahan wanaasan oo kashifaaya qayraadka wadanka ku jira, ayay Xukumadddii Udub dhaxal ahaan ka tagtay.Waa in laga faa’idaystaa. Dadka waa in lagu baraarujiyaa mashaaric iskashato wax kala soo baxa dulka iyo badaba. Hala hirgeliyo siyaasad lagu soo jiito mal-gelinta dibada iyo gudahaba. Wax wada qabsiga Somaliland iyo Ethiopia hala balaadhiyo, siiba Corridor Projetkii inaga dhexeeye ee muhimka aha.”

Daahir Rayaale Kaahin ka hadlayay xaalada xisbigiisa kala qeybsan wuxuu yidhi “Runtii intii muddo ah dalka waan ka soo maqnaa inay shirkii Golaha Dhexe qabsadaanna waxaan awood u siiyay ku xigeenkaygii. Way qabsadeen kalfadhigii Golaha dhexena way doorteen. Waxa yimid fikir ah aan murashax madaxweyne samayno waxaan idhi sameeya haddii la isku raacayo, laakiin warka aan maqlay maalmihii la soo dhaafay waxa I soo gaadhay in la isku khilaafsan yahay markaan taas ogaaday waxaan email u diray Ku xigeenkayga aan ugu sheegayo in haddii xisbigu laba garab noqonaya suurto gal ma aha ee fikirkaasi waa la joojinayaa.doorashada Goleyaasha deegaanka ka dib baana aanu qaban doonaa murashaxnimada madaxweynaha.”
“Waxaan idhi ha la ila sugo, nasiib darro may dhicin waxaan maqlay in shalay qeyb uu Ku xigeenkaygii ugu qabtay shir oo uu leeyahay nin gacanta ha loo taago. Qeyb kalena ay fadhiisatay xaruntii xisbiga arrintaasi waxaan u arkaa inaanay ahayn wax xisbiga UDUB looga bartay. Wax lagu heshiiyay ayaana wax ku dhammaan karaan,”ayuu yidi Daahir Rayaale Kaahin oo maanta u waramayay laanta Afsoomaaliga ee idaacadda VOA-da.
Guddoomiyaha UDUB waxa uu sheegay inaanay suurto gal ahayn in xisbigooda la iibiyo, waxaanu yidhi “Qofku aha inuu xisbiga lacag siisto oo uu iibiyo, waxaan qabaa in wada hadal laga yeesho oo heshiis laga gaadho, ninka la magacaabay iyo ninka laga tagay midna macno iima samaynayo, waxa macno ii samaynaya go’aanka xisbiga UDUB ka soo baxay ma yahay mid heshiis lagu yahay.”

Daahir Rayaale waxa uu sheegay in Jamaal Cali Xuseen aanu hore uga tirsanayn xisbigiisa hase yeeshee uu yahay muwaadin xiligan ku soo biiray.

Guddoomiyuhu wuxuu sheegay inuu dhawaan dalka iman doona isla markaana la dooran doono murashaxa xisbiga UDUB doorashada Goleyaasha deegaanka ka dib

dhageeyso riix halkan

Ujeedo: Qoraal Wadajir ah

Shir aanu isugu nimi labada Xisbi Qaran ee UCID iyo UDUB, kaas oo aanu ku falanqaynay doorashooyinka inagu soo fool-ka leh iyo Diiwaan-gelintii la khasaariyey oo loogu talo galay in lagu qabto doorashooyinka soo socda, Waxaanu isla isla qaadanay arrimahan soo socda:

Waxay labada Xisbi Qaran caddeynayaan in diiwaangelinta hadda taalaa oo aynu ku soo galnay doorashadii Madaxtooyada ee u dambeysay ay ahayd diiwaan-gelin caddaalada ka fog oo si weyn loo musuqay, balse aanu u aqbalnay murankii ka dhashay doorashooyinkii muddo dhaafay, oo ay sababta ugu wayn lahayd Diiwaangelintu, iyo annagoo u tanaasulay maslaxadda dadka iyo dalka Somaliland. Iyadoo ay shacab badan oo reer Somaliland ahina ay si wayn u filayeen Is-beddel maamul oo dhacaa inuu nololshooda wax weyn ka baddeli doono.
Waxay labada Xisbi Qaran Shacabka reer Somaliland Xusuusinayaan in ay jiraan goobo badan oo Bariga Somaliland ah oo aan laga qaban wax Diiwaan-gelin ah, qaarkoodna laba casho oo kaliya laga qabtay, Waxa kale oo dhacday in dad boqolaal kun gaadhaya aan laga hayn wax Suul ah iyo in aanu helnay dad badan oo si xad dhaaf ah ugu noqnoqday oo qaarkood afartooda magac uga yaraan shan jeer isku mid yihiin, waxa kaadhadka qaarkood lagu sameeyey sawiro dad dalka dibada kaga maqani soo dirteen. Waxa kaloo Kaadhkii codbixiyeyaasha qaatay dad badan oo aan u dhalan Somaliland.
Waxa ashkaas gaar ah ku urursan kaadhad codbixiye oo boqolaal kun gaadhaya kuwaas oo laga iibsaday dhalinyaradii qaadatay.
Waxa Hay’addii Diiwaangelinta gacanta ku haysay ee Interpeace caddaysay in liiska data-da ay gunaanadkii soo saareen uu qabyo ahaa, waxa kale oo si cad warbixin 7 Page ah ka soo saartay Hay’addii Eris ee loo xilsaaray inay dib u kala hufto Data-dan, warbixintaas oo ay ku caddeeyeen in qalabka Diiwaangelinta loo isticmaalay uu aad u liitay, in ay dhacday ku celcelin ka badan 30% , gunaanadkiina ay ku sheegeen inaan dib loo isticmaali karin Data-da Diiwaan-gelinta (war-bixintaa oo aanu halkan ku soo lifaaqi doono). Waxa Iyaguna ku raacay oo war bixin taa la mid ah ka bixiyey khubaradii Maraykanka ahaa ee ka tirsanaa Hay’adda madaxa bannaan ee Creative associate oo iyaguna si madax bannaan loogu diray inay u baadhan qaab loo sixi karo Data-daa.
Wakhtiga Diiwaan-gelintan la qabtay waxa ka soo wareegay muddo ku dhaw afar Sannadood, taasoo sharciyanna ay tahay in muddada diiwaangelinta iyo codbixinta u dhaxaysaa aanay ka badan lix bilood.
Waxa Muddadii Diiwaan-gelinta ka dambeysay Qaan-gaadhay oo xaqii codaynta luminaya ilaa Afar da’ood oo muwaadiniin ah.
Waxa labada Xisbi Qaran aaminsanyihiin in Diiwaan-gelintaa dhimatay oo doorasho lagu galaa nabadgelyada iyo xasiloonida wax weyn u dhimi karto, taasoo maanta la filayo oo gogosha loo dhigay inay Ururo cusubina Siyaasadda ku soo biiraan, kuwaasoo u baahan inay helaan doorasho si Xaq iyo Xalaal ah loogu kala calaf qaado, Urur iyo Xisbi walbana laga rabo inuu keensado 370 Musharax oo uga qayb-gala Doorashada G/Degaanka. Arrintan oo aad uga duwan tii Madaxtooyada oo 6 qof oo keliya ama 3 Xisbi ku tartamayeen taasoo sida la isugu tanaasulaana ay ka fududayd sidii doorashadeenii u dambaysayba dhacday.
Labada Xisbi Qaran ee UCID iyo UDUB waxay aaminsan-yihiin in doorashada G/Degaanka oo wakhtiga loo asteeyey ka dib dhicin lagu qaban karo Diiwaan-gelin xalaal ah Muddo aan ka badneyn Lix bilood iyadoo loo marayo Dawladaha Hoose iyo Wasaaradda Arrimaha Gudaha, qof walbana si fudud loo sugi karo muwaadinimadiisa, sidaasna ku heli karo kaadhka Jinsiyadda taasoo aasaas u ah Xaqiijinta iyo xaqa muwaadinka codeynaya. Arrintaso Data-deenana xafidi karta
Arrimahaas kor ku faahfaahsan darteed waxay labada Xisbi Qaran go’aan-sadeen inaanay marnaba doorasho ku geli doonin Diiwaan-gelin aan sax ahayn oo qof waliba sida xaqa ah wax hal kaadh ka badan aanu ku codayn karin (One Man One Vote).
Waxa kale oo Labada Xisbi Qaran caddeynayaan, cid walbana u muuqata in Xukuumaddani Muddadii ay xilka haysay ay meesha ka saartay wada tashigii Asxaabta Qaranka, wufuudii imanaysayna iska hortaagtay inay Xisbiyadu la kulmaan, taasoo mugdi weyn gelisay siyaasadii dalka iyo dadaalkii Ictriraaf raadinta oo meel la iska dhigay.
Waxay Labadan Xisbi Qaran uga digayaan Xukuumadda, Komishanka Doorashooyinka iyo deeq-bixiyayaasha Caalamka ee danaynaya Dimoqraadiyada ka hirgeyshay Somaliland in aan Diiwaan-gelintaa hore ee la xaqiijiyey inay khasaartay aan marnaba lagu geli karin doorasho, taasoo wax weyn u dhimi karta nabadgelyada iyo geeddi-socodka dimoqraadiyadda ka hirgashay Jamhuuriyadda Somaliland.
Waxaanu kaloo soo jeedinaynaa in talo qaran laga yeesho sidii loo heli lahaa doorasho xaq iyo xalaal inoogu qabsoonta waqtigeedana ka dib dhicin annagoo wax walba ka horreysiinayna danta iyo masiirka ummadda.

Allaa Mahad Leh

Gudoomiye Ku Xigeenka Xisbiga UDUB
Ahmed Yusuf Yassin

Guddoomiyaha Xisbiga UCID
Faysal Ali Hussein

Ambassador Sacad, oo muddo dheer degenaa dalka Maraykanka, wuxuu sheegay in aragtidaasi ka soo unkantay Madaxweynihii hore ee Somaliland Marxuum Maxamed Xaaji Ibrahim Cigaal oo markii u horaysay dawladda Maraykanka u bandhigay, waxaanu sheegay in Madaxweynihii ka dambeeyay Md. Daahir Rayaale Kaahin, uu isna sii ambo qaaday oo uu dawlada Maraykanka kala hadlay, waxaanu Dr. Sacad xusay in dawladda Maraykanku u riyaaqday qorshahaas oo uu ku tilmaamay mid keeni kara aqoonsi rasmi ah oo ay Somaliland hesho. Ambassador Sacad oo isagoo Hargeysa jooga shalay waraysi gaar ah siiyay Wargeyska Geeska Afrika, waxa kale oo uu ka hadlay aragtidiisa ku waajahan siyaasadda dibadda ee xukuumadda Madaxweyne Siilaanyo, waxaanu sheegay in siyaasadii dibadda la badhxay tan iyo intii ay xukuumadda xilligani talada qabatay, isagoo xusay in dad badani tilmaamayaan in dib looga joogsaday siyaasadii Somaliland ee salka ku haysay aqoonsi raadiska. Waraysigaas oo dhammaystirani wuxuu u dhacay sidan:
Dr. Sacad, dhawaan wuxuu warsidaha Wikileaks soo bandhigay aragti uu Raysalwasaaraha Itoobiya Meles Zenawi u bandhigay Maraykanka oo ah in aqoonsi hoosaad la mid ah nooca maamulka Falastiin la siiyo Somaliland. Arrintaas oo uu mar soo hadal qaaday Madaxweynihii hore Marxuum Maxamed Ibrahim Cigaal adiguna aad xogogaal u tahay, maxaad kala socotaa sidee ayaadse u aragtaa?

Horta aad iyo aad ayaad u mahadsantahay  waanan ku farxsanahay in aan maanta halkan isugu nimid, arintan imika aad ii sheegtay ee aad i waydiisayna arin aan anigu aad iyo aad ugu war hayo weeye. Arintan maamul hoosaadka oo aan anagu ku sheegi jirnay una bixinay magaca la yidhaahdo [Interim Special Status (ISS)],  waa arin socotay ilaa iyo 1999kiii ilaa 1998-kii runtii, arin ka soo bilaabmatay fikir markaas dawladii marxuumkii madaxwayne Maxamed X. Ibrahim Cigaal uu ka ahaa madaxwaynaha ay rog rogtay  iyada oo marka laga soo bilaabo 1991-kii ilaa 1998-kii in badan  aynu dareensanayn aqoonsigii in uu inaga maqan yahay oo dunidiina ay ina fahmi wayday, ayaa waxa ay keentay arinta markii la rog’rogay in la yidhaahdo waar bal wax horta ka waabsan aqoonsi dhan haddii aynu doono oo aynu nidhaahno bal ninkii ka yara shaacayoow saaka in aad aqoonsi dhan nasiiso mid ka waabsan laakiin noo ogalaada, in aan noolaano, oo aanu dunida xidhiidh dhaqaale la yeelano, oo aan tusaale ahaan hay’adda Boosaha ee caalamka  xubin ka noqono, in aan ka noqono xubin guudka kala socota Baanka adduunka, in baankayagu uu samayn karo xidhiidh uu dunida la yeesho oo baananka adduunka iyo baankeena wada shaqayni dhex marto, In aynu soo saarno baasaboor ama Dhukumenti dadkeena aynu siino oo ay dawladaha saaxiibka inala ahi ay u ogalaadaan baasaboor ahaan inay u isticmaalaan.

Markaas arintii markii la rog rogay Md. Maxamed X. Ibraahin Cigaal markii uu noogu yimid Maraykan sannadkii 1999,  ayaa arintii loo soo bandhigay dawlada Maraykanka markaa ku xigeenka wasiirka arrimaha dibadu waxa uu ahaa gabadh la odhan jiray Susan Rice, imikana ah safiirada Maraykanka Qaramada Midoobay u joogta, arintii markii la rogrogay doodii waxay noqotay, markii aanu nidhi dee meeshii xagii dhaqaalahana dhibaataa na haysata, waxay noo haysataana waa maqnaashiyaha aqoonsi-ga, xagii diblomaasiyada dhibaataa na haysata, xaggii safarka ee  ganacsigayaga iyo anaga dadkayagii ganacsiga gaarka ah lahaa ee ku najaxay inay diyaardo sameeyaan ee ku najaxay inay isgaadhsiin sameeyaan aan Afrikaba ku oolin, haddana maanta dadkii waxan waday safri kari maayaan oo basaboor la’aan ayay u safri kari la’yihiin markaas tasilaadkaas oo dhan inaad noo fududaysaan ayaan doonaynaa oo aad aad nala eegtaan. Dabadeed labaan u qaybinay oo ah xaggii dhaqaalaha iyo xagii diblomaasiyada, arintii waanu soo hordhignay oo waxaan nidhi annagu waxaanu aragna nidaamka caynkaas ah,  maanta idin waydiisan kari mayno aqoonsi dhaba ee mid ka waabsan oo aanu anagu u bixinay  ISS inaan naga aqbashaan ayaanu doonaynaa, waxba kama qabno ayay na-yidhaahdeen, kala kaxeeya dhinacii sida wakhtigan xaadirkaa xaggii dhaqaalahana dhinaciinii u mara, xaggii diblomasiyada iyo aqoonsi doonkana dhinaceedii u mara labadu way isu iman doonaan akhirka oo waxay keeni doonaan aqoonsi, waayo haddii la idin siiyo kan ad noo sheegteen waxba  duwana aqoonsiye sare ayuun baa loo qaadi doonaa darajo qudha, wax kale oo hadhay ma jiraan arintu sidaas ayay ku timid.

Markaa arintan aad imika  leedahay Wikileaks ayaa ka hadlay aniga maaha arin igu cusub, laakiin waxa igu cusub oo aanan ogayn Meles Zenawi oo intaas oo dhan aanu kala hadlaynay arinta oo intaaba lahaa waanu idinku waafaqsanahay inuu isagii dawladii Maraykanka Ambassador Philip Carter u bandhigay. Diblomaasign Mr. Carter, wuxuu ahaa kaaliyaha wasiirka Afrika, markaas uu Meles Zenawi la kulmayna wuxuu ahaa ninka labaad ee siyaasadda Afrika mishiinka u ah, kaaliyaha wasiirku waa nin diblomaasi ah oo dunida ayuu maraa oo khudbado ayuu akhriyaa, laakiin ragga meesha fadhiya ee siyaasadda wadaa waa Mr. Carter iyo laba nin oo ka hooseeya iyo agaasime goboleedyada. Si fiican ayaan u aqaanaa, waana nin hal adag oo waxaan bartay isagoo agaasime ku-xigeen ka ah xafiiska arrimaha bariga Afrika ee Maraykanka, ilaa maantana saaxiibtinimo ayaa naga dhaxaysa, imikana wuxuu ahaa laf dhabarta raggii meesha ka saaray Madaxweynihii Ivor Coast Mr. Lauren Bagbo.

Markaa waa dhab ayaan arintaas u malaynayaa ee waxaan bogaadin cad ku siinayaa Raysalwasaare Meles Zenawi, maxaa yeelay aad iyo aad ayaan ugu farxay markaan midhkaa arkay oo raggii ka shaqaynayay aan ka mid ahaa oo aan anigu ceelka guntiisa ugu jiray, haddii uu ku yidhi ninkaas oo Somaliland arinteeda aad u jeclaa in loo horumariyo horta waa mid wanaagsan. Arintu mid sidaas ku dhammaaty maaha ilaa maalintii ugu danbaysay ee maamulka xisbiga uu hayay ee Madaxwayne Daahir Riyaale Kaahin waftigii ugu danbeeyay ee tagay 2010 Maraykanka, doorashooyinka hortiisii ee sadexda goleba ka socday  Guurtida,Wakiilada iyo Xukumaadaba arintaas arrin aanu si gaara haddana uga hadalnay bay hayd.

Waxa kale oo an ka hadalnay waxaan la yidhaahdo hab maamuuska Jabuuti ee bulshada dunidu ay had iyo jeer ku xukunto wixii la odhan jiray Somaliya ee leh Somaliya mid nimadeeda hala ilaaliyo. ee una arka Somaliland inay wali Somaliyadaa kamid tahay oo ay xayndaabkaa ku jirto aad baan uga hadalnay oo waxaan nidhi, gar-soor maaha  ee waa in nala gar-sooraa bal horta hab maamuuskii markii ugu horaysay dib haloo furo oo waxii Somalilnd khuseeya halaga wada hadlo, si uu noogu saamaxo tan aan kuu sheegayo ee ISS-tan iyo wixii kale ee lamida.Markaas arintaas sidaas ayay ku timid waa warin in badan socotay haddii uu kala hadlayna ( Meles ) waa mid aanan anigu la yaabayn.  

Sacad xukumaada cusub ee madaxwayne  Axmed Siilaanyo siyaasadeeda arimaha dibada way ka duwantahay tii xukumaadii hore, inkasta oo ay markii horaba sheegeen inay badalayaan, hadana  dad badan waxay filayeen in badalkaas uu noqonayo mid tii hore ka wanaagsan, lakiin dad baa arka in badalkii noqday in maamulo la hoos fadhiisto, ka diblamaasi ahaan sideebaad u aragtaa siyaasada dibada ee xukumaada madaxweyne  Axmed Siilanyo?

Horta waxaan kuu sheegayaa umad walba siyaasadeeda dibadu waxay ka turjuntaa danaheeda lagama maar-maar maanka ah, taas oo nabagalyadeeda, badbaadadeeda iyo horumarkeeda ku salaysan, teenuna kama duwana taas.

Markaa siyaasadaa dibada dee ninkii mindida daabka haya ayuun baa haga siduu doonaya ee fikirkiisu yahayna sawirkeeda u yeela ama midabkeeda u yeela, siyaasada dibada ee Somaliland si ay isu bedeli  kartaa ma jirto, waa siyaasad intaas aan kuu sheegay ku salaysan oo waliba uu u dul socdo aqoonsi doon, ninka  yidhaahda waan badalayaa su’aal ayaa la waydiinayaa dhinacee baad ka bedalaysaa ma aqoonsi doonkii ayaad ka joogaysaa, haa ama maya, ma badbaadadii ayaad ka joogaysaa haa ama maya, sidaasad u raacaysaa.

Markaa waxa weeyaan uun eegmada la eegayo siyaasadu dibadu waa inay ku salaysnaataa waxyaabaha  xaqaa’iqa ah ee miidaanka yaala. Waxaad moodaa nasiib daro ilaa maalintii maamulkani yimid in siyaasadii dibada la badhxay, oo siday ahayd, hadda waa siday u muuqato waa laga yaabaa ragga gacanta ku hayaa in aanay sidaas u arag, ma aanu qaladkoodu taa ahayn, lakiin dad weynahii xataa wuu arkoo waxay arkaan siyaasad markay aqoonsi doonkii timaado aad moodo in dib looga joogsaday, oo aad moodo tii aan iska ilaalin jirnay ee aan uga dhigi jirnay sumada gooni isu taageena oo ahayd in aynaan is dhex galin ama aynaan ku milmin Somalweyn, waxaad moodaa in aan tii la siinin ahmiyadii ay wadatay.

Shirkii London ee la tagay ee ay joogeen maamul gobaleedadu, shirar kale oo Kiiniya lagu tagay oo aad iyo aad hadal badani uga yimid, shirkan imika uu wasiirku ku tagay New York oo kaa qudhiisa dad hadal badan ka sheegaan,  anigu mana joogo warna uma hayo, lakiin dadku wixii u muuqda iyo hindaamka sare ayuu wax ku xukumaa iyo qofka socodkiisu siduu yahay. Yeelko;  xaqiiqda iyo beentu way kala baxi, tuhunka iyo run-tuna way kala bixi, laakiin waxaad moodaa guud ahaan anigoo aan doonayn in aan tafasiil galo, in uu isbedel ku dhacay oo fikir  kale oo ah dib u noqosho ama u eeg oo markaad eegto dib u noqosho uun kuula eekaanaya inay dawladani la timid.

Taasina waa mid aad iyo aad dadkii walaac u galisay, dadkuna maaha in walaac la galiyo waliba markay gooni isku taga timaado.

Xukumaadii Daahir Riyaale ee aad safiirka u ahayd inkastoo xukumadaadii ka xoraysayba aad u hayd, ma isleedahay haddii shan sano oo dambe xukunka aad sii hayn lahaydeen waxbaad keeni lahaydeen, markay timaado dhanka aqoonsiga?

Waxaan ku leeyahay runtii anigoon faanaynin ciddi kuma dhaaran karto waxaanad gacanta ku haynin, sidii arintu u socotay waxaan isleeyahay imika sannadkii labaad soow maaha intii isbedelku dhacay,  waxaan is leeyahay ugu yaraan arintaas wax baad ka gaadhi lahaydeen oo aan guul ka keeni lahayn waliba taas ISS-ta.

Haddii aynu xisbiga UDUB u soo noqono, imika mudaad Hargeysa joogtay waxaana la aaminsanyahay inaad arrinta xisbiga uun u joogtay dalka, rag badana damac ayaa ka haya madaxtinimada xisbiga, adigana waxa la leeyahay hunguri siyaasadeed oo ilaa Madaxweyne gaadhsiisan ayaa ku haya. Bal arrintaas maxaa ka jira.?

Horta erayga hunguri la yidhaahdo ma jecli anigu oo damacbaa ku jira oo waxaad moodaa qof wax boobaya, arinta UDUB  iyo dib u yagleel kiisa mid muhiima weeyaan, taasina waxay muhiim u tahay runtii jiritaanka iyo siyaasada dalka ayay muhiim u tahay,  oo xisbigii ugu waynaa asxaabta oo miidankii maanta ka maqan isaga oo waliba mucaarad ah, runtii arimahan aan ka hadlayno iyo dhaliilka aynu sheegayno ee dadwaynuhu dhaliilay siyaasada dibadda, runtii asbaabaha keenay weeyaan waayo hadday joogaan dee dhaliilkan iyo waxan iyaguna door ayay ka ciyaari lahaayeen.

Markaas xisbigii waa la yagleelayaa xisbiguna waa xisbi ay bahwayn leedahay, waa xisbiga qudha ee aan anigu isleeyahay dadka dalka oo dhan ka Boorama  ilaa Badhan ayuu matalaa. Markaas waa la yagleelayaa waanan ka shaqaynaynaa waanan abaabuli doonaa. Maalinta yagleeshaasi dhammaato  ee uu soo fadhiisto golahiisii dhexe ee la yidhaahdo yaa doonaya inay u cararaan xafiis ama damac leh maalintaa ayaan eegi doonaa xaalku siduu yahay.

Madaxweynaha, aqoon fiican ayaad isu leedihiin, intan aad Hargeysa joogtay mala kulantay si aad ugu sheegto dhaliilahan ka soo baxay siyaasadii dibadda?

Maya, runtii lamaan kulmin, waxase jirtay fikrad ah in aanu kulano, laakiin wakhtigii ayaa isdhaafay dabadeeto  ilaa hadda maanaan kulmin.

Adigoo muddo ka maqan ayaad Hargeysa timid, sidee ayay kuula muuqataa, maxaase kaa yaaiyay oo aad ku aragtay? 

Runtii magaaladu way waynaatay, magaaladu way waynaatay oo waa ay faaftay, lakiin faafidu anigu sidaan u arko magaalo ma dhisto kaligeed, waxa weeye fiilo laga dhisay meel uu doox hormarayo oo aad moodo dhudhubi inay ka hor dilaacday biyana aan lahayn, laydh la odhan karo si isdaba jooga ayuu u joogana aanu jirin dhibaato weeyaan, yeelkadeed, magaaladii magaalo wayn ayay noqotay dibadiina waa laynooga yimid, ajaanibna wa iska soo buuxiyay oo dadkii jaarkeena ahaa ayaa iska soo buuxiyay. Wax iga yaabiyay runtii ma jiraan, waxyaalo aad arkayso oo ah wadooyinkii oo aad iyo aad u sii xumaaday oo aan runtii cidi dayac tirin, waliba kuwii badhtanka ahaa ee magaalada ee la marayay oo tiradoodu yartahay, haddana burburay oo aan laga shaqaynayanin, baabuurtii oo ka badatay wadooyinkii oo xad dhaafay.

Waxyabaha aan layaabo anigoo kale oo dibada ka yimid wax weeye tarafikada iyo dadku siday baabuurada u wadaan, markaad aragto babuur halkaas maraaya sida uu u soconayo iyo siduu taraafigu ugu dhex jiro waxa uu tusaale u yahay qofka wada fikirkiisa iyo inta ay gaadhsiisantahay reer magaalnimadiisu, ma badna taasi, xataa Sanca gaadhi waan ku kaxeeyay oo Riyaad waan ku kaxeeyay  maan arag tan oo kale anigu.

Hargeysa
Somaliland

WAR SAXAAFADEED
 
Shir balaadhan oo ay isugu yimaadeen Madaxda Sare ee Xisbiga UDUB markii ay wax badan isla falanqeeyeen waxay isla qaateen:
 
In shirkii Xuska 10 guurada Xisbiga UDUB iyo Fadhigii Golaha Dhexe loo mudeeyey inuu furmo 19-ka September 2011, si cibaadada bisha Ramadan loo guto.
Waxa Xisbigu aad u falanqeeyey wacyiga maanta jira ee Ururo furista iyo Xeerka horyaala Golaha ee Xeer No. 14, arrintaas oo hore Xisbigu mawqifkiisa uga dhiibtay kuna tilmaamay Guddigii ka talo bixinta ee Madaxweynuhu u saaray inay ahayd guddi aan sharci ahayn waxa xisbigu hore u duray soo jeedintoodii taas oo aan 1700 qof ka tarjumi karin rabitaanka shacbiga Somaliland oo lagu qiyaaso tiro ka  badan 3.5 milyan waxaanay noqonaysaa tiradaa guddigu wax ku saleeyeen nisbad ah 0.05% tirada guud ee shacbiga reer Somaliland.  Waxaanu haddaba farriin u diraynaa Golayaasha Sharci dejinta inay si lexejeclo ku jirto uga fiirsadaan arrintaas maanta hortaala ee dabada laga wado, wakhti ku filan oo lagaga baaraandegona siiyaan, si aan ummaddan loogu afduubin meel aan hadhaw wax laga qaban karin.
 
Allaa Mahad Leh
 
Axmed Yussuf Yassin
K/S Guddoomiyaha UDUB

 Md. Daahir Rayaale Kaahin oo maalmihii ugu dambeeyay ku sugnaa Magaaladda Hargeysa ka dib markii uu dalka dib ugu soo laabtay ayaa uga mahad celiyay Guud ahaanba dadka reer Boorama sidii fiicanayd ee ay ugu soo dhaweeyeen Magaaladda Boorama.
Waxaana hadaladiisii ka mid ahaa “Waxa aan aad ugu mahadcelinayaa sida fiican ee ay dhalinyarada, haweenka iyo waayeelka reer boorama igu soo dhaweeyeen Magaaladda, waxaanan leeyahay waa mid aanan midnaba ilaabaynin” ayuu yidhi Madaxweynihii hore ee Somaliland.
Md. Daahir Rayaale kaahi ayaan ayaa dhawaan dalka dib ugu soo laabtay ka dib markii uu intii muddo ahayd degel fadhi ku ahaa qaar ka mid ah wadama dibadda.
Soo guryo noqoshadii madaxweynihii hore ayaa muran xoogan ka dhex abuurtay xukuumadda iyo Xisbiga UDUB, taas oo ka danbaysay ka dib markii ay maamulka wasaaradda Duulistu ka hor joogsadeen sida ay xubno xisbiga ahi sheegeen in uu ku nasto qolka VIP-da ee madaarka.
Inta uu ku sugan yahay magaaladda Boorama ayaa la filayaa in uu kulamo kala duwan la yeesho madax dhaqameedka iyo waliba qaybaha kala duwan ee bulshada

 Maxaa ka dhaxeeya Qabiilka:-

 Marka laga hadlay waxa ka dhaxeeya qabiilka waxaa ugu muhiimsan  4 arimood  oo kala ah:-
Deegaanka :- Qabiilka waxaa ka dhexeeya degaanka uu degan yahay,Ardaayada degaankaa wada degani waxay  wada leeyihiin  cawska – biyaha roobka  sida baliyada iyo harooyinka –wadooyinka –buuraha – macdanta -midhaha  dhirta iyo dhamaan waxyaabaha ku sameysmey si dabiici ah.
Abtirsiimada :- Qabiilka waxaa ka dhexeeya abtirsiimada taas oo ku tusaysa in Qabiilkaasi uu kuwada abtirsado “hal oday” Tusaale   Dhirta in qodaxda leh waa isku qabiil waxa ay   wadaagaanna waa  Qodaxda.
Madaxdhaqameedka:-  Dadka qaarkiisana waxay ku doodaan in Madaxdhaqameedka sida Suldaanka –Boqorka –Garaadka –Malaaqa  ay ka dhexeeyaan Qabiilka ,inkastoo xiligan aad moodoo in ay sii badanayaa Madaxdhaqameedyadu,layskuna  qilaafsan yahay xilka ay Qabiilka u hayaan .
Dhiiga:- qabiilku wuxuu wadaagaa “dhiigga” oo aan uga jeedo  MAGTA-“ Tusaalle haddii nin aad isku qabiil tihiin uu dilo nin qabiil kale ah,waxaa  dhici karta in laguu dilo adiga oo aan kii wax dilay iyo kan la dilay midna aqoon u lahayn”.haddii nin reerkiina ahi uu nin  reer kale ah dilo,waa in aad  Magta-Diyada  wax ka bixisaa . markaa mar kasta  qabiilka waa ka dhexeeyaa  magta qaadasho ahaan iyo bixin ahaanba,magta ma diidi kartid ,haddii aad diidana  adigana lagula bixin maayo .
Qadhaan wadaag:-  Qaadhanku waa hab dhaqaale loogu ururinayo shaqsiyaad qabiilka  ka tirsan oo ay la soo gudboonaatay dhibaato dhaqaale sida  deyn lagu lahaa oo  uu iska bixin kari waayey,si kale haddii aan  u idhaahdo qaadhaanku waa sadaqad loo ururinayo shaqsiyaad dhibaateysan.Inta badan qaadhaanku khasab ma aha ee waa haddii aad awoodo, in aad qaadhaanka bixin weydaa waa ceeb,laakiin waxaan  mar kasta ogsoonaataa in qaadhaanku yahay sadaqad
Hadal iyo dhamaan haddii aad Qaranka xil u hayso,waxaad xilka u haysaa Qabiilooyinka oo dhan,Qabyaaladna kuma dhaqmi kartid,haddii aad Qabiilkaaga xil u haysana Qaranka xil uma haysid ,Qabiilku Qaranka ma difaaci karo,ee Qaranka ayaa Qabiilka difaaci kara ee yaanay iskaga kiin qaldamin.Haddii ay dhacdo in ay iskaga kaa qaldamaan Qabiilka-Qaranka iyo Qabyaaladu,runtii waxaa ka dhasha dib aad u balaadhan oo si loo xaliyaana  adag tahay.
Abdi  M.Saleiman(Mingiste) Political Analyst

abdi_saleiman@hotmail.com

 ka dib markii ay u suurtogeli wayday in ay kula kulmaan gudaha madaarka.Masuuliyiinta iyo Taageerayasha Xisbiga UDUB ayaa laga hor istaagay inay Madaxweynihii hore ee Somaliland, ahna Guddoomiyaha Xisbiga UDUB Daahir Rayaale Kaahin ay ku qaabilaan madaarka Cigal International ee magaaladda Hargaysa, Masuuliyiinta iyo taageerayaasha ayaa  hor tuman kaantaroolka laga galo Airport-ka isla markaana buuq iyo sawaxan ka samaynaya goobtaasi iyadoo laga cabsi qabo inuu iska hor-imaad ku dhex maro ciidamada amaanka ee iyagu ku suqan goobtaasi Soo dhawanta Madaxweynihii hore ayaan loo kala hadhin masuuliyiinta ka qayb qaadatay soo dhawaynta Madaxweynihii hore ee Somaliland ayaa waxa kamida masuuliyiinta sar sare ee Xisbiga UDUB, Wasiiraddii Xukuumadii hore, taageerayaasha xisbiga iyo masuuliyiin ka socda Xisbiga UCID.
Md: Daahir Riyaale Kaahin ayaa tan iyo intii uu talada dalka wareejiyay, waxa uu ku sugnaa Dibada,

Ganacsade Axmed Muxmed Cumar oougu horeyan ka hadlay halkaasi ayaa  yidhi “Anaga oo ah Madaxdhaqameedka, Aqoonyahanada, Ganacsatada Gobolka Gabiley ninkaasi Xidhan ee ah Mareeyihii Total ee Somaliland waa in Xoriyaddiisa si degdeg ah loogu soo celiyaa, Ninkan xadhigiisa sifo sharciga waafaqsana looma marin, waayo arintani waa kiis madani ah, haddii Xisaabi jirto waa lala xisaabtamayaa oo shirkad caalami ah ayuu wakiil ka ahaa oo isaga shirkada ku odhan lahaa dee waxaasa laydunku yeeshay ee iska soo bixiya, haddii shirkadu Xisaab lacageed yeeltana dee waa in loo celiyaa oo ay dawladu iska bixisaa.”Ayuu yidhi Axmed Muxmed Cumar

Waxa kale oo uu  intaasi  ku daray in markii ay madaxweynaha waydiiyeen Cid xidhay ninkaasi uu ku yidhi ma ogi halka badhsaabkuna ku yidhi cid iga saraysa  ayaa I amartay waxanu yidhi “Badhsaabka gobolka Saaxil waxa uu nagu yidhi meel iga sareeysa ayaa i amartay in aan xidho markii aanu madaxtooyadii la hadlanay ee madaxweynaha aanu waydiinay xadhiga ninkaasi ayuu nagu yidhi madaxweynuhu ma ogi, marka anagu garan mayno  cida amartay xadhigiisa oo dalku madaxweyne ayuu leeyahay ee arintaa bal ha eego, hadaba waxaan leeyahay Cid amarka bixisa madaxweynaha ma ahe waa cid kale, Cid kale ayaa dalkan haysata.”Ayuu yidhi
Axmed Muxmed Cumar waxa kale oo uu hoosta ka xariiqay in Gobolka Gabilley uu ka sii daray tan iyo intii Xukumada Siilanyo Qabsatay Dalka waxany yidhi “Baryahan dambe waxa gobolka gabiley ka jiray, Khilaafad badan oo maamul oo ay xukuumadu qayb ka tahay, oo aan la garanaynin maamulkii gobolku meesha uu u socdo iyo meesha uu ka socdo, Ragayagan  halkan fadhiyaa waxa aanu nahay ragii u ololeynayey Xisbiga Kulmiye ee haatan dawlada ah, waxaanu u hurnay maalkayagii marka gobolka Gabilaye in Kulmiye uu guulaysto waxa uu ka ahaa Halboowalaha kowaad , anaguna waxaanu ahayn hormodkooda kulmiye u ololeynayey.”Ayuu yidhi
Waxa kale oo uu yidhi “Waa nasiib darro in dawladii Siilanyo ee  reer gabiley islahayeen samigiina ayad ka helayaan ay ka waayeen, hadan iyaga oo  wax badan tabanayey, hadana in lagula kaco tacadiyo badan oo isdaba joog ah waa nasiib darro.”.Ayuu yidhi
Isaga oo Cadaalada dalka ka jirta ka hadlayna waxa uu yidhi “Madaxweyne waxaanu ku soo dooranay in aad dadka reer Somaliland cadaalad ku dhaqdo, waxaanu hore u diidnay cadaalad darro, kumaanan dooran in cadaalad daradii cadaalad darro badasho, dadka reer gabiley waxa ay codkooda ku siiyeen in dalkan aad cadaalad ku dhaqdo, dadkiina cadaaladii ayaa wali tabayaan.”Ayuu hadalkiisa ku soo gabogabeyay.
Waxa kale oo isaguna halkaasi ka hadlay Abdeeq Aadan Ismaaciil oo ka mid ah aqoonyahanada Gobolka Gabiley waxanu yidhi “Waxaanu ka xunahay Xadhiga ay kula kacday xukumadu maareeyihii shirkada Total iyo niman mujaahidiin ah oo Berbera danahooda khaas ah u tagay, oo uu ka mid yahay Aadan Maal laguna yidhi Aadan maalow waxaad tahay ninkii la baxay C/laahi Askar, haddii ay Labixidii c/laahi Askar danbi noqotay waa yaab.”Ayuu yidhi Abdeeq
Intaasi waxa uu ku daray ”Xukumadani waxay hore Xadhig  ugula kacday Saxaafadii, Aqoonyahanadii, Salaadiintii maantana waxay u soo dhigatay Ganacsatadii, hadaba waxaanu Xukuumada u sheegaynaa in ninkaasi ganacsadaha ah shuruud la’aan lagu soo dayo;”Ayuu yidhi Abdeeq
Xildhibaan Bashiir Tukaale oo ka mid ah Xildhibanada Golaha wakiilada Somaliland ayaa isaguna yidhi “Shirkan jaraa’id waa kii igu horeyay ee aan qabto tan iyo intii Xukumada Siilanyo Xilka la wareegtay, ismaan lahay iyada oo aan sanad gaadhin ayaad shirjaraa’iid qaban doonta, lakiin waxbaa kaliftay, waxa kalifay in gobolkii gabiley iyo ciid ka soo jeeda si gaar ah loo bartilmaamsanayo. Hadaba aniga oo ah Xildhibaankii Gobolka Gabiley ee golaha wakiilada arintaasi waan ka damqaday, dawladii hore gacantaydaas ayaan ku riday, madaxweyne Siilanyo doorasho haddii u ku soo baxayo tii hore ayuu ku soo bixi lahaa, lakiin tan gacantaydaa bidix ayaan ku keenay oo walaahi oo Bilaahi ah.”Ayuu yidhi Xildhibaanku
Waxa kale oo uu yidhi “Madaxweyne waxaan ku sheegayaa in Mareeyaha aan Lacag lagu lahayn, oo waynagii isla garanay.”Ayuu yidhi
Waxa uu yidhi “Hadaba waxaanu u aragnaa in arintaasi tahay aargoosi shakhsi ah ee aanay ahayn arin xisaab iyo nidaam dawladeed midna.”Ayuu yidhi Bashiir Tukaale
Waxa kale oo uu sheegay in dadka reer Gabiley ay ku hungoobeen Codkii ay siiyeen Xukumada Siilanyo waxany yidhi “Dadka reer Gabiley waxaan leeyahay Beeraley ayaynu nahay beer ba’da waynu arki jirnay, ooh ore ayaa loo odhan jiray tacab ba’ay Beer uun ma’aha, marka Codkiini aad kulmiye siiseen Beer ba’aday ka soo qada ayaan idin odhan lahaa, dadkii reer Somaliland oo dhami waxay leeyihiin waanu yaabnaye ma yaabtee.”Ayuu yidhi Bashiir Tukaale.